Меѓународниот аеродром во Сараево беше блокиран утринава поради дојава за бомба, соопшти телевизијата N1.
Пријавата се однесува на експлозивна направа поставена во зградата на аеродромот, поради што пристапот е целосно ограничен.
Влезот во терминалот во моментов не е дозволен, а патниците и вработените се евакуирани.
Во меѓувреме, информациите за пристигнувањата и заминувањата на летовите, кои вообичаено редовно се ажурираат, не се достапни на официјалната веб-страница на аеродромот.