Шпанската полиција опколи патнички авион кој слета на аеродромот во Барселона откако доби пријава за закана во авионот.
Авионот на „Туркиш ерлајнс“ полета од аеродромот во Истанбул во четврток наутро и беше забележан како лета во близина на италијанскиот брег околу 10 часот наутро.
#ACTUALIZACIÓN | El avión se ha derivado a una zona de seguridad para su estacionamiento mientras las Fuerzas de Seguridad evalúan la situación > https://t.co/vabPENugux pic.twitter.com/fIHXWyLLAM
— Informativos Telecinco (@informativost5) January 15, 2026
Шпански и француски воени авиони беа испратени да го придружуваат авионот над Средоземното Море. Авионот слета на шпанскиот аеродром Ел Прат, на најоддалечената писта, околу 11 часот наутро и веднаш беше опкружен од специјални сили, кои се качија во авионот.
Авионот „Ербас А-321“ превезуваше 148 патници и седум членови на екипажот кога слета, и сите беа претресени, а специјалната полиција користеше кучиња трагачи, објавија локалните медиуми.
Каталонската влада го активираше планот „Аерокет“, посебен план за вонредни состојби во воздухопловството. Сè уште не е познато каква беше заканата, а шпанската полиција ќе даде соопштение за сè по завршувањето на операцијата, објавува „Дејли меил“.