Големото невреме проследено со олуен ветер и пороен дожд кое вчера го зафати главниот град остави сериозни последици врз клучната градска инфраструктура.
Меѓу објектите кои претрпеа најголеми оштетувања е и Спортскиот центар „Борис Трајковски“.
Од менаџментот на спортскиот центар денеска итно ја информираа јавноста дека пливачкиот базен претрпел огромна материјална штета и до понатамошно известување ќе биде целосно надвор од функција.
„Поради невремето кое во текот на вчерашниот ден го зафати Скопје, причинета е голема материјална штета на кровот на базенот и истиот нема да биде во функција. Благодариме за разбирањето“, се вели во официјалното соопштение упатено до корисниците.