Започнаа теренските активности за целосно уредување на пешачката патека Нижо Поле – Големо Езеро – Брајчино, во вкупна должина од 19 километри.
Проектот опфаќа расчистување на вегетацијата по целата должина, целосно обновување на Кнафелцовата сигнализација и поставување нова зимска маркација на потегот од Нижо Поле до Големо Езеро, преку Дебел Рид. Дополнително, од Големо Езеро ќе се постават нови патокази кон Мало Езеро и врвот Пелистер.
Работите се одвиваат рачно и во отежнати услови поради алпските карактеристики на теренот, при што целата опрема и алат се пренесуваат без помош на механизација.