Светска банка очекува забрзување на економската активност во Македонија во текот на 2026 година, со што ја зголеми прогнозата за економскиот раст на земјава.
Според најновиот октомвриски извештај, наместо досегашно предвидените 2,9 проценти, сега се очекува македонската економија да порасне за 3,2 проценти.
Меѓу клучните фактори што треба да придонесат за растот се инфраструктурните проекти, кои се очекува да имаат значајна улога во економската активност.
За 2027 и 2028 година, Светска банка предвидува раст на економијата од по 3 проценти.
На ниво на Западен Балкан, прогнозата за 2026 година предвидува економски раст од 3,1 процент. За следните две години, односно 2027 и 2028 година, се очекува раст од по 3,4 проценти.