Инцидент во основно училиште во тетовскиот регион. Педесет и едногодишен жител на селото Требош е приведен под сомнение дека физички нападнал двајца малолетни ученици, на кои претходно им упатил и вербални закани.
Според информациите од Министерството за внатрешни работи, настанот се случил на 9 ноември, околу 9 часот, за време на големиот одмор. Б.Х. влегол во училишните простории, по што ги нападнал учениците.
Полицијата од Полициското одделение Групчин го привела осомничениот истиот ден, во 18:10 часот. Тој бил задржан во полициска станица.
Од МВР информираат дека по целосното документирање на случајот ќе следува соодветна пријава.