Голди Хон беше една од водителите на овогодинешното доделување на Оскарите, а заедно со актерот Ендру Гарфилд ја додели наградата за најдобар игран анимиран филм.
Актерката доживеала лоша среќа на самата сцена, кога не можела да го прочита текстот од телепромтерот, а потоа објаснила за што се работи.
Andrew Garfield and Goldie Hawn presenting best animated film pic.twitter.com/bYAXTP7F6O
— Linny (@murderesselinny) March 3, 2025
„Имав среќа да снимам филмови и да ги насмеам луѓето. Можеби не сум некоја, но тоа е во ред“, рекла актерката, а потоа застана.
Таа потоа се сврте кон колегата актер и водител Ендру и рече: „Во ред. Драги, дали можеш да го прочиташ ова? Јас не можам. Јас сум целосно слепа. Мислам, навистина сум“, рекла Голди, а потоа објасни дека има катаракта.
„Во ред, не грижете се“, рече Ендру и продолжи:
„Ни подаривте филмови полни со радост. Ни го подигнавте расположението и нè натеравте да се чувствуваме дека се е во ред со светот“, додаде тој.
Да потсетиме, Голди е една од најпознатите американски комичари, која славата ја стекна во филмовите „Смртта ѝ одговара“, „Клубот на првите сопруги“, „Убави сестри“, како и „Цвет од кактус“, за кој доби Оскар за најдобра споредна улога.
