Технолошкиот гигант ја паузираше продажбата на своите производи во Русија, објави компанијата.
Компанијата, исто така, го ограничи својот систем за плаќање, Apple Pay, и други услуги, вклучително и следење на сообраќајот во живо, според новинската агенција Ројтерс.
Украинскиот сервис на Би-Би-Си известува дека потрошувачите во Русија кои се обидуваат да купат iPhone, часовник или MacBook на веб-страницата на компанијата се пречекани со порака во која се вели дека испораката на стоката е невозможна.
Потегот на Apple доаѓа откако украинскиот вицепремиер Михаило Федоров на почетокот на неделава откри дека испратил писмо до претседателот на компанијата Тим Кук во кое барал Apple да биде блокиран од Русија.
I’ve contacted @tim_cook, Apple's CEO, to block the Apple Store for citizens of the Russian Federation, and to support the package of US government sanctions! If you agree to have the president-killer, then you will have to be satisfied with the only available site Russia 24. pic.twitter.com/b5dm78g2vS
— Mykhailo Fedorov (@FedorovMykhailo) February 25, 2022
