Најмалку десет лица загинаа, а 32 се повредени во автобуска несреќа во источната мексиканска сојузна држава Веракруз, соопштија локалните власти.
Несреќата се случила во средата во градот Зонтекомтлан, додека автобусот патувал од Мексико Сити кон селото Чиконтепек.
Се вчитува...
„Во моментов потврдивме дека починале девет возрасни лица и едно дете“, соопшти кабинетот на градоначалникот на Зонтекомтлан.
Чести сообраќајни несреќи во Мексико
Сообраќајните несреќи, во кои редовно учествуваат автобуси или товарни камиони, се честа појава во Мексико. Тие најчесто се предизвикани од пребрзо возење или механички дефекти.
Кон крајот на ноември, десет лица загинаа, а 20 беа повредени во слична несреќа во државата Мичоакан, на западот на земјата.
