Американскиот претседател Џозеф Бајден денеска официјално објави дека Израел и Хамас постигнале договор за примирје и ослободување на заложниците што ќе стави крај на конфликтот во Газа и ќе ја зголеми хуманитарната помош за палестинските цивили.
„Денес, по неколкумесечна интензивна дипломатија на САД, заедно со Египет и Катар, Израел и Хамас постигнаа договор за прекин на огнот и заложниците“, рече Бајден во изјавата.
Овој договор, како што истакна, ќе ги запре борбите во Газа, ќе ја зголеми неопходната хуманитарна помош за палестинските цивили и ќе ги обедини заложниците со нивните семејства по повеќе од 15 месеци заробеништво, пренесува Ројтерс.
