Грозното убиство се случило во Крагуевац, кога Р.Б. ја убил својата поранешна сопруга, потврдија за српските медиуми од Полициската управа и Вишото јавно обвинителство во Крагуевац.
Убиството се случило во приградската населба Кориќани, веднаш до патот кон соседната населба Велико Поље.
Според информациите од местото на злосторството, убиецот ја избодел поранешната сопруга повеќе пати во градите, стомакот и грбот. Откако извршил брутално злосторство, Р.Б. се обидел да изврши самоубиство со истиот нож.
Тој си го пресекол грлото со сечило, но повредите не биле фатални. Со тешки рани, тој е префрлен во Универзитетскиот клинички центар Крагуевац. Трагедијата се случила во утринските часови. Истрагата, која ја води јавниот обвинител на Вишото јавно обвинителство во Крагуевац, е во тек.
Патем, убиената жена претходно го пријавила својот поранешен сопруг Р.Б. за насилство и закани.
За потсетување, телото на несреќната жена беше пронајдено покрај нива со околу 10 убодни рани со остар предмет за кој се сомнева дека е нож. Според неофицијални информации, телото на убиената жена е пронајдено покрај автомобил чија сопственост сè уште не е утврдена.
Според неофицијални информации, осомничениот Р.Б. бил пронајден со нож во вратот, недалеку од тоа возило, и со повеќе убодни рани по телото.
