Неодамнешната посета на претседателката на Собранието на Србија, Ана Брнабиќ, на Брисел предизвика големо внимание, особено поради начинот на кој беше претставена во дел од медиумите и реакциите што следеа.
Додека провладините медиуми во Србија веднаш ја објавија веста како топол и срдечен состанок со претседателката на Европскиот парламент, Роберта Мецола, снимката од настанот сугерира поинаква слика.
Наместо планиран протоколарен дочек, снимката покажува дека Роберта Мецола била изненадена од присуството на Ана Брнабиќ. Нејзината реакција, „Извини, Ана, не знаев дека си тука“, јасно укажува на фактот дека состанокот не бил претходно договорен или барем дека Мецола не била информирана за него.
Evo kojim rečima je predsednica Evropskog parlamenta Metsola dočekala Anu Brnabić.
— Borko Stefanović (@BorkoStef) September 12, 2025
Naprednjačke laži i amaterizam su neverovatni.
Kako joj je krenulo, da sam na njenom mestu, ostao bih kući zaključan dve nedelje. pic.twitter.com/bid7xbJepM
Дополнително, Мецола спомна дека во меѓувреме „го пополнила својот дневен ред“, сугерирајќи дека има и други, поважни состаноци.
Овој инцидент го отвори прашањето за вистинската цел на посетата и дали станува збор за обид за манипулација со јавноста преку прикажување на неуспешна дипломатска иницијатива како голем успех. Додека провладините медиуми се обидуваат да ја претстават Србија како партнер со висок приоритет во Брисел, реалноста, судејќи според снимката, изгледа сосема поинаку.
