Дали сте забележале нов симбол на тајмер на приказните на Инстаграм во последните месеци и сте се запрашале што значи тоа?
Многу корисници забележале икона на часовник што повремено се појавува во долниот десен агол од приказните на луѓето што ги следат, и иако Инстаграм сè уште не дал официјално објаснување, откриено е што е тоа, пишува Just Jared.
Предупредување за истекување на приказната
Станува збор за едноставно, но корисно предупредување – приказната што ја гледате е пред истекување. Имено, симболот на тајмерот сигнализира дека објавата се приближува кон својот крај, односно во рок од 24 часа по што автоматски ќе исчезне. Ако ја забележите оваа икона, тоа е знак да побрзате и да ја погледнете содржината пред да биде повеќе достапна.
Нејаснотии околу воведот
Интересно е што тајмерот не се појавува на секоја приказна што е пред истекување, поради што на корисниците не им е сосема јасно според кои критериуми се активира функцијата. Се чини дека Инстаграм ја воведува оваа функција постепено и ја тестира нејзината имплементација.
