Додека претседателот на Романија, Клаус Јоханис, поднесе оставка со образложение дека тоа го прави за да спречи земјата да влезе во криза, на улиците имаше протести поради високите цени на трговските синџири.
За време на демонстрациите на плоштадот „Победа“ во Букурешт дошло до конфликт меѓу демонстрантите и жандармеријата. Тие го пробија полицискиот кордон и ги нападнаа, речиси со голи раце се пресметаа со припадниците на јавниот ред и мир.
Демонстрантите се обидоа да ја преминат улицата кон Владата, сето тоа поради превисоките цени во моментов во продавниците низ Романија. Тие ги повикаа сите граѓани да не купуваат ништо на пазарите за со заеднички, обединети сили да се победат високите цени.
Според романските медиуми, неколку стотици демонстранти биле на улиците и се движеле кон палатата Викторија, токму во моментот кога претседателот Јоханис објавил оставка.
Според новинарите, дел од демонстрантите фрлале и петарди.
Се огласија и од жандармеријата. Тие најавија дека поставиле метални панели, но дека луѓето вршеле притисок врз полицијата и го блокирале патот пред Владата.
Од полицијата велат дека ваквите протести не се во согласност со одредбите од досегашната законска рамка за најава и организирање на јавни собири.
На интернет организаторите на протестот најавија илјадници, па и десетици илјади учесници. На Плоштадот на победата, според првата проценка направена во текот на попладневните часови, ќе има помалку од 500 демонстранти. Се наведува дека нема пријавен протест.
Сепак, не е исклучено учесниците да бидат потоа идентификувани и санкционирани. Локалните медиуми јавуваат дека ова е првпат приврзаниците на Калин Ѓорѓеску да изберат да излезат на улица во работен ден.
Калин Ѓорѓеску пристигна на пазарот во понеделник наутро, денот кога повика на бојкот на супермаркетите. Беше со сопругата Кристела.
Калин Георѓеску, победникот во првиот круг од поништените претседателски избори во Романија, поголемиот дел од својата кариера го помина во бирократијата, специјализирана за земјоделски работи. Политиката за храна стана важна во неговата политика и тој повика Романија да биде посамодоволна и во фармите и во производството на енергија.
