Прилеп го започна одбележувањето на 11 Октомври – Денот на Народното востание со впечатлива манифестација во која учествуваа околу 1.200 ученици од основни и средни училишта. Учениците на градскиот плоштад го формираа македонското знаме, традиција што се одржува од 2010 година.
„Ова е чест и гордост за учениците, а интересот расте секоја година. Планираме догодина да вклучиме уште повеќе млади,“ изјави професорот Златко Думбалоски од ОУ „Добре Јованоски“.
Со овој настан започнуваат чествувањата за 84-годишнината од Востанието. Вечерва во Центарот за култура „Марко Цепенков“ ќе биде отворена изложба на Друштвото на ликовни уметници, а на плоштадот ќе се одржи свечена програма со обраќање на градоначалникот Борче Јовчески и традиционален огномет.
Утре, на самиот празник, ќе се положат цвеќиња пред спомениците на народните херои, а во 12:30 часот ќе се одржи свечена академија на која ќе говори премиерот Христијан Мицкоски. Во чест на 11 Октомври, ќе има и саем на земјоделски производи, изложба на автомобили и крводарителска акција.
Читај и ова:
- 1.Трагична несреќа во Словенија: Македонец почина по пад од скеле!
- 2.Уапсени шест лица по вчерашната физичка пресметка пред угостителски објект во Скопје
- 3.Трамп сака НАТО да исклучи една земја: „Јавете им се и дознајте зошто заостануваат“
- 4.Белата куќа го критикува Нобеловиот комитет откако Трамп не ја доби наградата
- 5.Температурите малку под просекот – стабилно време од вторник
