Од 12 септември, на платото на „Млечен“ со почеток во 19.30 часот со настап на Драган Мијалковски ќе започне традиционалната културна манифестација на Општина Карпош, „Карпошово културно лето 2023“.
И оваа година, програмата е прилагодена за сите генерации која ќе биде исполнета со перформанси за децата, младите и повозрасните, а меѓу изведувачите се ДНК, Мијата, Ивана Петерс. За „Карпошово културно лето 2023“ се одвоени 2.000.000 денари, средства од Буџетот на локалната самоуправа.
„Ги повикуваме граѓаните да дојдат и да уживаат во вечерите, кои ќе бидат исполнети со квалитетна музика и програма за сите возрасти“, велат од Општина Карпош.
