Авион на компанијата „Рајанер“ бил евакуиран на меѓународниот аеродром „Јован Павле Втори“ во Краков, Полска, откако екипажот забележал чад од непознато потекло во кабината. Сите патници се безбедни и вратени во аеродромскиот терминал, соопшти портпаролот на аеродромот.
Според изјавата, причините за инцидентот сè уште не се познати. Авионот е запрен на пистата, но не го попречува сообраќајот, а аеродромските служби вршат детален преглед на леталото.
„Сообраќајот на аеродромот се одвива нормално. Авионот застана на пистата, не го блокира сообраќајот. Летот за Бристол е значително одложен, а авиопревозникот ќе одлучи дали ќе биде неопходно да се замени со друг авион“, се вели во соопштението на портпаролот на аеродромот.
