Седиштето на Француската телевизија (France Télévisions) денеска беше евакуирано по дојава за бомба, јавуваат француските медиуми.
Полицијата и тим со кучиња за откривање експлозив моментално се на лице место за проверки, пренесува „Фигаро“. Вработените во Француската телевизија, чија централа се наоѓа во 15. арондисман во Париз, беа евакуирани доцна попладне откако властите ги известиле дека добиле дојава за поставена бомба.
„Полицијата и тим со кучиња за откривање експлозив моментно се на лице место и вршат проверки“, пренесува „Франс инфо“. Околу 17 часот била пријавена можна експлозивна направа во седиштето на Француската телевизија.
„Од безбедносни причини, одговорното лице во телевизијата одлучи објектот да биде евакуиран“, изјавил извор од полицијата. Проверките сè уште траат, а додека не завршат, програмата на „Франс инфо“ и веб-страницата Franceinfo.fr не функционираат.
Пред две недели редакциите на телевизијата BFM и Радио Монте Карло (RMC), кои се наоѓаат во близина на Француската телевизија, исто така мораа да бидат евакуирани поради дојави за бомба.
Програмите беа прекинати додека силите на редот ги вршеа проверките, а вработените се вратија во редакциите откако не беа пронајдени сомнителни предмети.
