Американските истражители објавија снимка од кабината на авионот на Алјаска ерлајнс. Боингот 737 Мах штотуку полетал од меѓународниот аеродром во Портланд кога панел од кабината се откинал и експлодирал во воздух, оставајќи дупка на трупот „со големина на фрижидер“.
Инцидентот се случил во петокот . Авионот беше во можност да направи безбедно слетување во итни случаи и никој од патниците или екипажот не е повреден.
Вратата на Боингот 737-9 МАКС била пронајдена во неделата од наставник во Портланд кој се претставил како Боб. Ја пронашол во својот двор, пишува Ројтерс.
Во понеделникот, на социјалните мрежи беа споделени фотографии од исчезнатиот уред за запирање на вратата.
Според претседателот на Националниот одбор за безбедност на транспортот на САД, овој дел е „клучна компонента што недостасува“ за да се разјаснат причините за несреќата.
Алјаска ерлајнс соопшти дека открила слабо фиксирана опрема на некои од нејзините авиони Боинг 737 Мах, објави Франс прес.
Прелиминарните проверки покажаа дека слабо фиксирана опрема е видлива на некои од уредите. Ќе се вршат потемелни проверки според инструкциите на Агенцијата за цивилно воздухопловство на САД.
„Јунајтед ерлајнс“, кој располага со 79 авиони „боинг 737 мах“, исто така објави дека при проверка на вратите на машините откриле дека има завртки кои не биле доволно затегнати.
Вкупно 171 авиони од горенаведениот тип се привремено суспендирани од летање по наредба на американската агенција за цивилно воздухопловство, кои побараа да се направат проверки на машините. Ваквото барање било поднесено откако авион на носачот изгубил дел од трупот, кој се откинал при полетувањето.