Европската комисија ја заврши истрагата за алгоритмите на Х и наскоро ќе ја казни платформата на Илон Маск со милиони , објави во петокот германски Handelsblatt, цитирајќи тројца европски претставници.Во друг развој, Комисијата рече дека Microsoft, TikTok, Google, Snap, Meta и X ќе учествуваат во „стрес тестови“ за контрола на дезинформациите пред изборите во Германија.
Истрагата за X која започна во декември 2023 година испитуваше дали платформата е во согласност со Регулативата за дигитални услуги , која ги обврзува главните платформи да блокираат нелегална содржина.
Минатата недела Комисијата објави дека ја проширува истрагата против Х , кој е обвинет за ширење лажни вести и манипулирање со јавниот дискурс.
Комисијата побара од X да обезбеди документи за дизајнот и функционирањето на алгоритмот кој им препорачува содржина на корисниците.
Новите барања на комисијата дојдоа во услови на загриженост дека Маск го користи алгоритмот за препораки за содржина за да ја зајакне екстремната десница во Европа.
Маск постојано се судри со европските регулатори, обвинувајќи ги за цензура.
Тој неодамна почна да интервенира во политичките работи на европските земји како Велика Британија и Германија, каде го интервјуираше лидерот на екстремно десничарската партија Алтернатива за Германија.
Комисијата може да изрече парична казна што одговара на 6% од нивниот глобален промет на компаниите кои ја прекршуваат Регулативата за дигитални услуги.
Во меѓувреме, Комисијата потврди дека главните платформи ќе бидат подложени на стрес тест на 31 јануари за да се види дали нивните системи се доволни за да ги спречат кампањите за дезинформација.
Како што најави претставник на Комисијата, „стрес-тестот ќе ги испита потенцијалните сценарија каде е вклучена Регулативата за дигитални услуги, со цел да се испита како платформите би реагирале на овие конкретни сценарија“.
