Најмалку 30 лица загинаа во стампедо во тврдината Цитадел Лафериер во Хаити во саботата. Властите предупредија дека бројот на жртви може да се зголеми.
Тврдината од 19 век, која е дел од светското наследство на УНЕСКО, е една од најпопуларните туристички атракции во земјата и била преполна со студенти и посетители кои присуствувале на годишен фестивал во времето на несреќата, објави Скај њуз.
Премиерот на Хаити, Аликс Дидие Филс-Еме, потврди дека меѓу присутните имало „многу млади луѓе“, но не ги објави идентитетите на жртвите, ниту даде конечна проценка за бројот на жртви.
Во официјално соопштение, тој изрази „искрено сочувство до ожалостените семејства и им го пренесе своето длабоко сочувство во ова време на тага и големо страдање“.
Wow! This is a video from the event inside the Citadelle that led to at least 30 dead, many of them school aged. #HAITI https://t.co/dU5uDSUQTJ pic.twitter.com/QNiOglneNJ
— Jacqueline Charles (@Jacquiecharles) April 12, 2026
