ДПА ќе добие заменик министерско место. Како што дознава ТВ21, а потврдено од страна на партијата, Фатмире Исаку ќе биде заменик министерка за надворешни работи. Со министерството во моментов раководи ДУИ, односно министер е Бујар Османи. Фатмире Исаку беше кандидатка за пратеничка на последните парламентарни избори шестата изборна единица, но како што е познато ДПА на тие избори освои само едно пратеничко место, а во Собранието влезе Мендух Тачи. Исаку е професорка по англиски јазик на тетовскиот универзитет од 2007-ма година. Докторирала на англиски јазик и литература.
Се вчитува...
.
