Манекенката и актерка Шарлот Мекини (28) привлече големо внимание во провокативната реклама за хамбургер што беше емитувана за време на „Супер боул“ во 2015 година.
Овој потег и го отвори патот на атрактивната русокоса да ја продолжи кариерата, но таа признава дека всушност станала ѕвезда благодарение на социјалните мрежи: „Агенциите не ме сакаа, па решив да го отворам Инстаграм и така да го креирам моето портфолио“, истакна таа.
Нејзината популарност порасна со вртоглаво темпо, а за тоа придонесоа разголените фотографии, на кои таа ги истакна, како што вели, природните атрибути, а особено нејзините бујни гради.
Многумина ја споредија со моделот Кејт Аптон, но оваа споредба не и се допадна.
„Ја почитувам Кејт Аптон и и честитам за успехот што го постигна. Но, јас не сум таа. Не сакам да ме споредуваат со никого“, рече таа.
