Францускиот министер за економија Бруно Ле Мер изјави дека ќе бидат додадени нови економски и финансиски санкции против Русија поради војната во Украина.
Наведувајќи дека економските и финансиските санкции против Русија функционираат, Ле Мер тврди дека Европската унија (ЕУ) зазеде решителен став по ова прашање и рече: „Ќе водиме целосна економска и финансиска војна против Русија“.
Ле Мер посочи дека санкциите ќе ги доведат во неволја руската економија и рускиот претседател Владимир Путин и руските олигарси и рече дека цената на санкциите што треба да се спроведат ќе ја плати и руското општество.
Споделувајќи ја информацијата дека бројот на руските олигарси на списокот за санкции на ЕУ е 488, Ле Мер рече дека покрај нив под истрага се и сметките на сопружниците, децата и компаниите за недвижнини.
Ќе се сретнат министрите за економија на ЕУ
Министерот Ле Мер изјави дека се уште се на маса голем број нови санкции и дека се чека да се донесат одлуките од Европската комисија за да се преземат мерки.
Истакнувајќи дека доколку има потреба ќе се одржи состанок со земјите од Г7 со цел дополнително зајакнување на економските и финансиските санкции кон Русија, Ле Мер рече дека утре ќе се сретнат со министрите за економија на земјите од ЕУ во врска со спроведувањето на санкциите.
„Ќе обезбедиме колапс на руската економија“
Ле Мер посочи дека санкциите против Русија треба да се спроведат „брзо и напорно“ и наведе дека руската рубља загуби 30 отсто од својата вредност, а руските девизни резерви почнаа да се топат.
„Ќе обезбедиме колапс на руската економија“, изјави францускиот министер за економија. Тој посочи дека санкциите ќе продолжат се додека Русија не покаже подобри намери кон Украина.
„САД и Европа заедно се убедливо најмоќниот економски и финансиски континент во светот“. Ле Мер рече дека ќе се сретне со раководителите на Тотал енерџи и француската енергетска компанија Енџи, кои имаат активности во Русија во рамките на санкциите.
