Генерален штрајк во Грција. Во прекин се јавните услуги, траектите останаа на пристаништата, летовите се приземјени, а јавниот превоз е со скратено работно време.
24-часовниот штрајк е на повик на главните синдикати кои ги покриваат јавниот и приватниот сектор.
Синдикалните организации бараат зголемување на платите и целосно враќање на правата за колективни договори кои беа укинати како дел од меѓународната помош за време на финансиската криза во Грција.
Демонстрации и протестни маршеви се закажани во поголемите градови во земјата.
