Во Сараево се уапсени три лица бидејќи се поврзани со убиството на 38-годишна жена.
Полицајците од Сараево уапсија три лица осомничени за убиство, соучесништво и непријавување кривично дело откако во станот беше пронајдено безживотно тело на жена.
Според порталот Klix.ba, полициски службеници го пронашле телото на 38-годишната жена која беше убиена пред неколку дена во стан на улицата Колодворска. За убиството е уапсен нејзиниот сопруг (36), а за соучесништво е уапсена неговата мајка (76). Уапсен е и 67-годишен маж бидејќи не пријавил кривично дело.
Полицијата во станот пронашла предмети и траги на убиство, а телото на жената е пренесено на обдукција.
Сите се уапсени во службените простории на Управата на полицијата и по кривичната истрага ќе бидат предадени во надлежност на Кантоналното обвинителство на Кантонот Сараево.
Ова убиство е откриено откако маж во четвртокот вечерта во Сараево ги убил својот помал брат и неговата сопруга, а потоа ја запалил куќата.