Од 15 октомври започнува грејната сезона 2025/2026 за скопјани приклучени на системот за централно греење управуван од АД ЕСМ. Сезоната може да почне и порано, доколку средната дневна температура се спушти на 12 степени или пониско.
На веб-страницата на ЕСМ Снабдување секојдневно ќе се објавува дали се исполнети условите за испорака на топлинска енергија до официјалниот старт на сезоната.
Од компанијата апелираат потрошувачите навремено да ги проверат и одржуваат своите грејни инсталации, да овозможат пристап до потстаниците и да обезбедат редовно електрично напојување, за да има непречено снабдување со топлина.
Списокот на објекти без услови за греење, како и контактите за пријави и информации, е достапен на веб-страницата на ЕСМ.
