Националниот центар за предупредување од цунами (NTVC) на Геодинамичкиот институт на Националната опсерваторија во Атина постави мерач на плима на североисточниот брег на Санторини поради зголемената сеизмичка активност.
Мерачот е поставен во мало рибарско засолниште за да се овозможи навремено следење на промените на нивото на морето, пишува Катимерини.
Поставувањето на новата станица дополнително ја прошири мрежата на мерачи на плима, која сега има 16 станици.
Страв од цунами во Санторини
Првата станица за мерач на плима на Санторини беше поставена во 2013 година, но нејзината работа беше прекината во 2017 година поради штета предизвикана од екстремни временски услови.
Како дел од програмата за зајакнување на системот за рано предупредување за цунами во Источниот Медитеран, планирано е да се постават 30 нови станици во периодот од 2025 до 2026 година.
Земјата не престанува да се тресе
Земјотрес со јачина од 5,3 степени според Рихтеровата скала го погоди вчера Санторини, соопшти Геодинамичкиот институт на Националната опсерваторија во Атина.
Според сеизмолошките служби, тоа е најсилниот земјотрес во серијата земјотреси што го погодија регионот на Киклади.
