Европскиот систем за следење на безбедноста на храната предупреди на присуство на забранетиот пестицид хлорпирифос во овошјето произведено во Хрватска, пишува хрватскиот портал 24сата.
Станува збор за пестицид кој е особено опасен за децата, а е откриен во мандарините во Хрватска и Словенија.
Тестирањето на овошјето покажало дека во овошјето е пронајден забранетиот пестицид во количина од 0,033 mg/kg, додека максималната дозволена количина е 0,01 mg/kg, пишува порталот.
Овој пестицид, како што се вели, е поврзан со нарушувања во развојот на мозокот, вниманието и хормоналниот систем кај децата.