Министерот за внатрешни работи Оливер Спасовски во полицискиот центар „Ѓорче Петров“ заедно со заменик шефот на Мисијата на Амбасадата на Чешка присуствуваа на промоција на возила, но без да ги повикаат медиумите.
Подоцна до медиумите беше испратен готов текст, со изјава од министерот, инсерти и фотографии. Пред неполни два месеци Царинската управа исто така славеше 30 години без да ги повика медиумите.
Претходно, иако повикани на настан од Министерството за транспорт и врски пристап за снимање добија само владините сниматели и фотографи. ЗНМ и ССНМ неколку пати досега реагираа дека владините прес-служби не смеат да имаат предност пред медиумските екипи.