Унгарскиот премиер Виктор Орбан вечерва му се заблагодари на американскиот претседател Доналд Трамп што „храбро се залага за мир“ по жестоката дебата во Белата куќа за време на средбата со украинскиот претседател Володимир Зеленски.
„Силните луѓе создаваат мир, слабите луѓе војна. Денеска, претседателот Доналд Трамп даде храбар став за мир. Дури и ако на многумина им е тешко да го проголтаат. Ви благодарам, господине претседателе“, напиша Орбан на платформата X.
Трамп го прекина разговорот откако му се развика на Зеленски, кој ја напушти Белата куќа без планираното потпишување на рамковен договор за експлоатација на минералните суровини на Украина и заедничка прес-конференција.
