За вчерашната физичка пресметка меѓу двајцата лекари во Клиничката болница – Штип во операциона сала, од болницата испратија и соопштение во кое се вели дека веќе е поведена дисциплинска постапка за двајцата вработени.
Во текот на вчерашниот ден 05.02.2025 година околу 12:30 часот во работните просториите на Клиничка болница – Штип дојде до нарушување на работниот ред со физичка пресметка помеѓу двајца вработени.
Во текот на денешниот ден, од страна на надлежните од болницата случајот е пријавен во СВР-Штип и е поведена дисциплинска постапка за двајцата вработени, се вели во соопштението од Клиничка болница-Штип.
