Израелската влада синоќа по полноќ одобри план за примирје со Хамас, кој предвидува ослободување на заложниците кои се држат во Газа во замена за палестинските затвореници.
„Владата го одобри планот за ослободување на заложниците“, се вели во соопштението од кабинетот на премиерот Бенјамин Нетанјаху. ;
„Планот за ослободување на заложниците ќе стапи на сила во недела, 19 јануари 2025 година“, се додава.
Советот на министри го одобри планот и покрај противењето на екстремно десничарските министри.
Хамас веќе објави дека ги прифатил условите од договорот и се обврзува да ги почитува.
