Деветгодишно момче и неговиот петгодишен брат се најмладите жртви на масовното злосторство што вчера попладне го изврши Ацо Мартиновиќ (45) во Цетиње.
Во трагедијата загина и вујкото на момчето – Мирко Вулетиќ (45).
Како што верува полицијата, Мартиновиќ убил четири лица во куќата на роднина во Бајице – Радован и Радмила Мартиновиќ и нивните синови, близнаците Милош и Марко Мартиновиќ. Во куќата на Мартиновиќ тешко ранета е и сопругата на Марко, Марија (38), пишува Вијести.
Меѓу жртвите на Ацо Мартиновиќ се Радомир Марковиќ (70), Јошо Оташевиќ (55), Бранислав Мудреша (60), Драгана Драшковиќ (53) и неговата сестра Зорица Вулетиќ.
Мартиновиќ вчера нешто по 17 часот и 30 минути уби четири лица во кафаната „Велестово“, во близина на Спортскиот центар.
Потоа убил уште четворица Мартиновиќи во Бајице, а потоа убил две деца во населбата Хумци, а потоа го продолжил злосторството во Доњи Краји каде ја убил својата сестра и уште едно лице.
Кога полицијата ја опколила околу полноќ, Мартиновиќ си пукал во главата, а потоа починал на пат кон болница.
