ИНВАЗИВНИ видови, вклучително и змии и гуштери, се лизгаат низ царинските контроли во северна Европа неоткриени во големите пратки со сечено цвеќе и саксии, предупредуваат експертите.
Континентално-европските змии, макаклини и крајбрежни гуштери се некои од животните кои влегуваат во земјите од северна Европа со пратки од маслиново дрво наменети за градини и зелени парцели, се вели во студијата објавена во списанието Bioscience.
„Врв на ледениот брег“
Овие видови можат да предизвикаат огромна штета на посевите и на домашната средина, каде што овие видови вообичаено не живеат. Студијата го наведува примерот на Мајорка, медитерански остров каде никогаш немало змии. Но, кога пристигнале на островот, сериозно го загрозиле екосистемот на Мајорка. Сепак, експертите предупредуваат дека змиите и рептилите се само „врвот на ледениот брег“.
Инсекти, габи и земјоделски штетници се внесуваат во северна Европа и во Обединетото Кралство во пратки со сечено цвеќе и украсни растенија, а и покрај регулативата и проверките на границата, количината на увезени растенија е толку голема што стана исклучително тешко да се откријат натрапниците . Глобалниот пазар за извоз и увоз на растенија, вреден милиони долари, рапидно расте и има сè поголем географски дофат.
Експертите предупредуваат дека поради ширењето на инвазивните видови, особено комарците и другите инсекти кои се носители на болести, како и поради климатските промени, како резултат на кои Северна Европа станува се потопла и сега е лесно за овие видови да преживеат во некогашниот ладна клима, можна е и појава на болести кои ги пренесуваат овие инсекти.
„Исклучително ризично“
Поради зголемените температури, можно е во ОК некои егзотични растенија увезени од потоплите региони за украсување на домовите да се рашират во дивината како инвазивни видови.
Професорот Вилијам Сатерленд од Катедрата за зоологија на Универзитетот Кембриџ предупредува дека украсните маслинови дрвја што се продаваат во Британија би можеле да бидат стари над 100 години.
„И има многу скриени места во таа шкрипена кора и почвата во која се засадени овие дрвја. Тоа е исклучително ризично во однос на преносот на штетници“, истакна Сатерленд.
„Ако змии и гуштери летаат под нашиот радар, каква шанса имаме да забележиме опасни мали инсекти или габи кои навистина предизвикуваат големи проблеми? праша професорот.
