Дадилка во Канзас, која на барање на преплашените деца за кои се грижела, решила да провери дали има „чудовиште“ под креветот, пронашла маж кој се крие таму, соопшти полицијата на Грејт Бенд.
„Едно дете се пожалило дека има „чудовиште“ под неговиот кревет. Кога (дадилката) се обидела да му покаже на детето дека нема ништо под креветот, таа се соочила лице в лице со осомничениот маж кој се криел таму“, се вели во соопштението на полицијата.
Се додава дека дошло до конфликт меѓу осомничениот и дадилката, а во тепачката едно дете било соборено, додека мажот побегнал од местото, пренесува Гардијан.
Откако полицијата пристигнала на имотот, бебиситерката го идентификувала осомничениот како Мартин Вилалобос Јуниор (27), кој порано живеел таму.
Следното утро, полицајците го забележале Вилалобос и по кратка потера го фатиле и го уапсиле.
Вилалобос беше обвинет за киднапирање, кражба, злоупотреба, загрозување на деца, криминално попречување на службеник за јавен ред и кршење на наредбата за заштита од злоупотреба.
Тој е во притвор, со кауција одредена од 500.000 долари.
