Пожарот уништил куќа во село Василево, кој избувнал околу 13:40 часот, информираа од ТППЕ Струмица.
Како што пренесуваат струмичките пожарникари, за гаснење на огнот биле испратени две противпожарни возила и осум пожарникари. Тие успеале да го контролираат и изгаснат пожарот, спречувајќи негово ширење на соседните објекти и значително зголемување на штетите.
Причините за појавата на пожарот ќе бидат испитувани во текот на наредните денови.
