Најмалку пет мртви во пожарите во Лос Анџелес, наредба за евакуација за 100.000 луѓе
Илјадници пожарникари се борат со шумските пожари кои беснеат во областа на Лос Анџелес.
Според канцеларијата на окружниот шериф, загинале најмалку пет лица, а изгореле повеќе од илјада куќи.
Поради бројот на уништени згради, овие пожари се сметаат за најголеми и најразорни во историјата на градот, пренесува Voice of America.
На околу 100.000 луѓе им беше наредено да се евакуираат, а локалните власти отворија неколку засолништа за луѓето и животните кои бегаат од пожарот.
Околу еден и пол милион луѓе во Јужна Калифорнија се без струја.
Приватната американска метеоролошка агенција Acuweather ја објави својата проценка за материјалната штета – околу 50 милијарди долари.
Пожарникарите се борат со најмалку три одделни големи пожари – од Санта Моника на брегот на Тихиот Океан, до Пасадена, која се наоѓа во северниот дел на Лос Анџелес и во долината Сан Фернандо.
Ветровите од Санта Ана дополнително го разгоруваат огнот и предизвикуваат огнот многу брзо да се прошири.
Поради ветерот, авионите кои се гасеа со пожарот беа привремено приземјени, но тие повторно полетаа во средата попладне.
Метеоролозите велат дека условите за ширење на пожарот ќе траат до петок.
Евакуиран е и „Индијана Џонс“.
Познатиот актер Харисон Форд (82), познат по многу улоги меѓу кои и онаа во филмскиот серијал за Индијана Џонс, изгледаше вознемирено откако беше принуден да се евакуира поради шумските пожари кои го опустошуваат Лос Анџелес.
Тој вчера бил виден како го паркира својот автомобил пред неговата населба Брентвуд.
Во еден момент влегол во полициско возило кое го вратило во неговата куќа за да провери во каква состојба е луксузниот дом што го купил во 2011 година за 12,6 милиони долари.
Harrison Ford getting assistance from LAPD from the Palisades Fires (Mandeville Cyn + Sunset)
Street People of Beverly Hills pic.twitter.com/DeM1cwiovO
— Alex Kennedy (@therealmindman) January 9, 2025
