Дали знаете какви се придобивки имаме од зелениот чај?
Д-р Аичи Фукушима за „Никох Кејзаи“ истакна дека зелениот чај помага во спречување на појава на повеќе болести, меѓу кои спаѓаат и мозочен удар и некои видови на рак.
Според него, последниве години бројот на епидемиолошки испитувања посветени на овој производ е значително зголемен.
„Со Мета-анализа за 2021 година, комбинирајќи и анализирајќи ги резултатите од неколку трудови, потврдено е дека потрошувачката на зелен чај е поврзана со намалена опасност од развој на многу широк спектар на болести, вклучително и одредени видови на канцер, како што се рак на ендометриумот, белите дробови или на јајниците. Тој е корисен и за срцевите болести и спречува мозочен удар“, рече докторот.
Тој вели дека сето ова се должи на присуството на катехини, кои пак се наоѓаат во големи количини во зелениот чај, а истите ја зголемуваат активноста на ензимите вклучени во распаѓањето и согорувањето на маснотиите, што го олеснува користењето на мастите како енергија.
„Полифенолите во зелениот чај се нарекуваат чајни катехини. Тие имаат силно антиоксидантно дејство“, додава докторот.