Новиот канадски премиер Марк Карни денеска изјави дека деновите на блиска соработка со САД се „завршени“ бидејќи таа земја повеќе не е „доверлив партнер“.
„Старите односи што ги имавме со САД, засновани на длабока интеграција на нашите економии и блиска соработка во безбедноста и одбраната, завршија“, рече Карни на прес-конференција.
Канадскиот премиер додаде дека за „ден или два“ ќе има разговор со американскиот претседател Доналд Трамп, кој во неколку наврати изјави дека би сакал Канада да стане „51-ва американска држава“.
