Познатата војвотка од Кембриџ, Кејт Мидлтон остави силен впечаток на британската премиера на филмот „No time to die“ во Лондон.
Таа на црвениот тепих се појави во златен фустан украсен со светки и монистра, кој бил креација на Џени Пекам.
Својот елегантен стајлинг го надополнила со златни обетки, а покрај неа беа и сопругот и принц Вилијан, принцот Чарлс и војвотката од Корнвол, Камила.
Инаку, филмот ја имаше својата светска премиера 18 месеци подоцна од планираното, по неколкуте одложувања поради пандемијата на коронавирусот.