И токму кога сите помислија дека Тристан Томпсон и Клои Кардашијан се посреќни од било кога, следеше веста дека кошаркарот чека бебе со друга жена.
Тристан Томпсон потврди дека е татко на бебето родено од Марали Николс.
На Инстаграм напиша дека добил син со инструкторката, а и се извини на поранешната партнерка Клои Кардашијан:
„Денес резултатите од тестот за татковство покажаа дека сум татко на дете родено од Марали Николс. Ја преземам целосната одговорност за моите постапки. Сега кога татковството е докажано, со нетрпение очекувам да го воспитаме нашиот син заедно. Искрено им се извинувам на сите што сум ги повредил и разочарав, приватно и јавно“, напиша тој.
Тој потоа додаде: “Клои, ти не го заслужуваш ова. Не го заслужуваш скршеното срце и понижувањето што ти го нанесов. Не заслужуваш како што се однесувам со тебе со години. Те почитувам и сакам, па што и да мислите. Повторно, многу ми е жал“, продолжи Томпсон.
Да потсетиме, Николс го тужеше Томпсон. Таа пред судот изјави дека двајцата имале секс за неговиот 30-ти роденден во март, што резултирало со нејзина бременост. Томпсон призна дека спиел со Николс, која воедно му била тренер, но одбил да признае дека е татко на детето кое е родено на 1 декември.
Кошаркарот побара од Николс да направи ДНК тест за да го докаже неговото татковство, што таа и го направи.
„Наместо да се фокусирам на негативни работи, избирам да го прифатам мајчинството и да го направам најдоброто што можам за мојот син. Не сакам медиумско внимание, ниту пак сакам да бидам во врска со Тристан“, рече Николас.