Бебињата на возраст од четири до шест месеци се подготвени за поцврста мека храна, секако секое бебе е различно, но постојат показатели за подготврноста околу тоа.
Најважно е да имате контрола врз држењето на вратот и главата. Детето тука некаде, веројатно, ќе почне и само да покажува посебен интерес за храната во чинијата на возрасните…
Прво, треба да му дадете на детето помали делови, а потоа постепено да ги зголемувате.
Секогаш проверувајте дали храната е правилно сварена и /или испасирана.
Важно: Избегнувајте тврда храна, како што се кикирики, индиски ореви, бадеми и слично, за да се избегне задушување.
Препорачливо е прво да ја вклучите следнава храна во исхраната на малечкото…
- Зеленчук
Може да се почне со сладок компир, морков или грашок. Доколку бебето ги одбие, обидете се следниот ден повторно. Важно е да не се откажувате.
- Житарки богати со железо
Тука, пред сѐ, спаѓаат пченицата и овесот.
- Овошје
На одредена возраст на бебето можете да му дадете згмечени банани, јаболка, круши или праски. Чистото авокадо е дозволиво и многу здраво, зашто содржи многу здрави масти.
- Храна што содржи железо спречува анемичност.
Суво грозје, путер од кикирики и спанаќ може да бидат особено корисни за развојот на едно дете.
