Целата кариера на Доналд Трамп изгледа како реално шоу, а сега пред очите на светот се одвива распад од незамисливи размери.
Најбогатиот и најмоќниот човек на светот јавно се скараа.
Маск прво го нарече законот за трошење и даноци на Трамп одвратен и развратен, на што Трамп одговори дека Маск немал проблем со тоа сè додека не дознал дека вклучува намалување на субвенциите за електрични автомобили.
А потоа е целото отпуштање на Илон Маск врз Трамп, на неговата социјална мрежа X.
Меѓу другото, тој наведува и дека името на Трамп се наоѓа во документите за педофилот Џефри Епштајн.
„Од секогаш знаевме дека овој град не е за двајца шерифи, со огромно его и неспремност за компромис, но дека ќе пукне вака брзо – тоа е изненадувачки“, изјави Тод Белт, професор на Одделот за политикологија при Универзитетот Џорџ Вашингтон.
Маск вложи огромни пари во кампањата на Трамп, а потоа неколку месеци беше на чело на државно тело за намалување на трошоците. Сега се соочува со дополнителни проблеми бидејќи акциите на компанијата „Тесла“ паѓаат.
„Односот со Трамп секогаш е еднонасочен. Со Трамп си додека му користиш, а на Маск тоа не му се допадна, бидејќи се чувствуваше како громобран за Трамп“, смета Белт.
И претседателот на САД и бизнисменот ветуваа заштеди од билиони долари, за на крај Маск да го заврши својот мандат со околу 170 милиони долари заштеда.
Што само го забрза овој театрален холивудски раскин.
„Ова е еден од најпредвидливите раскини, како оној помеѓу Том Круз и Шер, или Ричард Бартон и Елизабет Тејлор. Знаевме дека овој ден ќе дојде – порано или подоцна …“, вели аналитичарот на CNN, Рон Браунстин.
Сепак, пред само една недела, на крајот од Илоновото учество во Владата, ништо не навестуваше на навреди и напади. Напротив, Маск симболично доби клучеви од Белата куќа од Трамп.
Сепак, бидејќи Трамп е човек на чести промени, веќе денес се очекува телефонски разговор со Маск – можеби и помирување.
„Не ме изненадува што двајца социопати и нарциси се скараа. Ниту еден од нив нема чисто срце или добра волја. Двајцата ја злоупотребуваат својата положба и повредуваат луѓе“, рече една Американка во анкета.
„Прво ми беше смешно, а потоа си помислив – ова не се случува навистина, ова не може да биде реален живот?“, изјави еден Американец.
Како што си помисли и целиот свет.