Навивачката група Комити Скопје соопшти дека нема да присуствува на следниот натпревар на ФК Вардар, кој ќе се одигра на 29 март 2025 година во Битола против екипата на Пелистер, во знак на почит кон жртвите од трагедијата во дискотеката „Пулс“ во Кочани.
„Во знак на почит кон жртвите на трагедијата во Кочани, како и во знак на солидарност кон сите преживеани и кон сите семејства погодени од големиот ужас, одлучивме дека нема да присуствуваме на следниот натпревар на ФК Вардар“, стои во соопштението.
Од групата порачуваат дека во моменти на национална тага и жалост, ова е единствената логична одлука која можеле да ја донесат.
„Вардар во срцето, Македонија во душата!“ – завршуваат Комити, упатувајќи силна порака на солидарност и емпатија.
