Косовскиот премиер Албин Курти денеска изјави дека е можен договор меѓу Белград и Приштина до крајот на годинава.
Пред средбата во Брисел, Курти за „Еурактив“ изјави дека Белград и Приштина имаат цел оваа година да склучат важен договор за нормализација на односите и дека тој нема да биде мазен и покрај зголемениот ангажман на Западот.
„Потребна ни е нормализација на односите, а тоа може да се постигне со заемно признавање како централен дел“, рече Курти и изјави дека Белград е категоричен дека нема формално да ја признае независноста на Косово и Метохија, но дека, како што смета, „може да се договори за де факто признавање“.