Ковачевски со осуда за отворањето на „Цар Борис Трети“ со тоа име – „Провокација која никому не му носи добро“

Премиерот Димитар Ковачевски вчера во дебатниот магазин „Click Plus“ на ТВ21 го осуди отворањето на бугарскиот културен клуб „Цар Борис Трети“ со тоа име. Според Ковачевски, тоа е провокација. „Прво јас го осудувам отворањето на тој културен центар со такво име, иако го имаат отворено граѓани на нашата држава. Сметам дека е тоа провокација која никому не му носи добро. Сметам дека отворање на културен центар треба да носи име на некој што зближува, а не на некој кон кој што граѓаните имаат негативни чувства“, вели Ковачевски.