Лионел Меси може да се врати во Барселона, сега само треба да одлучи за тоа!
Интер Мајами со Лионел Меси конечно се врати на теренот, загуби од Синсинати со 1:0 и со тоа се збогуваше со можноста за настап во плејофот на МЛС… Што му даде шанса на Лионел Меси да се врати во Барселона!
По натпреварот со Шарлот на 21 октомври, Меси нема да има обврски во МЛС до регуларниот дел од сезоната кој започнува на крајот на февруари и би можел да одлучи да замине на позајмица во Барселона! А тоа беше поттикнато од неодамнешната изјава на косопственикот на Интер Мајами, Хорхе Мас.
“Заминувањето на Меси од Барселона не се одвиваше како што сакаше. Тој не можеше да се збогува со клубот кој го пречека како момче и мислам дека околностите не беа онакви какви што сакаше. Му ветив дека ќе направам се да му дадеш можност во годините што доаѓаат да се збогуваш со навивачите како што треба“, рече Мас.
Ова не би било прв пат голема фудбалска ѕвезда да доаѓа од Америка да игра неколку месеци во Европа. Така Дејвид Бекам дојде во Милан, а Тиери Анри во Арсенал. Се сеќаваме и како Хенрик Ларсон дојде на позајмица во Манчестер Јунајтед од Хелсингборг бидејќи и сезоната во Шведска е на пауза од ноември до март.
