Американскиот секретар за здравство и социјални услуги, Роберт Ф. Кенеди Џуниор, сподели дополнителни детали за неговата поранешна зависност од дрога и алкохол.
72-годишниот политичар се појави во подкастот на Тео Вон (45) This Past Weekend во четврток, 12 февруари, каде што зборуваше за тоа како двајцата првпат се сретнале на утринските состаноци за закрепнување.
Кенеди, кој е трезен 43 години, откри дека откако состаноците биле затворени поради пандемијата COVID-19, тој и другите членови почнале да се среќаваат приватно. Тој објаснил дека формирале еден вид „пиратска“ група која се среќавала лично, објавува People.
„Реков дека не ми е гајле што ќе се случи, ќе одам на состанок секој ден“, се присетил тој на својата одлука да продолжи да присуствува на состаноците за време на пандемијата.
RFK Jr. drops a spicy admission about his past while praising Narcotics Anonymous for helping him beat addiction. A raw, human moment from a 72-year-old HHS Secretary who says his 14-year drug era shaped him—and his path to recovery. #RecoveryStory #AddictionAwareness #HOPE… pic.twitter.com/CO9xbzM7Fn
— ceanmedia (@ceanmedia) February 13, 2026
„Реков: „Не се плашам од бактерии“. Шмркав кокаин од тоалетот. Знам дека оваа болест ќе ме убие, нели? Ако не ја лекувам, а за мене тоа значи одење на состаноци секој ден, тоа само ми го уништува животот. За мене, тоа беше прашање на преживување“, рече тој.
Тој додаде дека можноста да му се помогне на друго лице да се опорави од зависност е исто така исклучително важна. „Тоа е тајната состојка на овие состаноци и нè држи сите трезни. Нè спречува да ја следиме сопствената волја.“
Кенеди јавно зборуваше за своето минато како зависник од дрога во неколку наврати. За време на неговата претседателска кампања во 2024 година, тој рече дека дрогата му го подобрила успехот во училиште.
