Зајакнување на воздушната одбрана на Украина – ова е фокусот на дводневната средба во Брисел на министрите за одбрана на земјите од НАТО што почна денеска.
Подготовката на Украина за зима во услови на војна – вака денеска и утре разговараат земјите-членки на Алијансата.
Системите за противвоздушна одбрана се апсолутен приоритет за спасување и зачувување на клучните инфраструктурни локации во Украина, сметаат сојузниците.
Веќе на почетокот на денот , генералниот секретар на НАТО Јенс Столтенберг ја поздрави одлуката на земјите кои испраќаат противвоздушни системи на Украина.
Ова доаѓа два дена по руските ракетни напади врз голем број украински градови, вклучувајќи го и главниот град Киев.
„Мислам дека сите видовме зошто е ова важно: ужасните, недискриминирачки напади врз украинските градови, убиени цивили, уништени цивили, како и нападите врз енергетскиот систем, енергетската инфраструктура. Тие се сериозни како што се приближува зимата, така што сето ова укажува на итната потреба од поголема воздушна одбрана за Украина“, рече Јенс Столтенберг, генерален секретар на НАТО.
Ова е прва средба на сојузниците по анексијата од Русија на 4 украински територии и по нуклеарните закани од Москва.
Подготвени сме за долго патување и ќе ја поддржуваме Украина колку што е потребно“, коментираше и генералниот секретар на НАТО.
